BA ZANSÈT-NOU

(OZOUA)

Man pa kay janmen las rimersié zôt

Pou tout sa zôt fè ba nou

Zôt wouvè an bèl chimen ba nou

Chimen libèté

Zôt té ni chenn-lan

Zôt té ni fè-la

Zôt té ni fouèt-la

Zôt pa té bien nouri

Poutan, poutan

Zôt goumen

Anlô moun pami zôt mô

Pou rann nou lib

Lib di fè sa nou lé

Lib di palé, lib di pansé

Lib di kréé

Lib pou nou kontinié travay-la

Zôt koumansé a

Ki lespri-zôt gidé nou è protéjé nou

Pou nou kontinié konba-a

Viv zôt !

Honè é Respé !