VINI AN JOU KOUTÉ SA

(Serge RESTOG)

                        I té sentjè laprémidi

                        Solèy-la té ka désann dòmi.

                        I té sentjè laprémidi

                        Mwen té la

                        Ka gadé solèy-la

                        Wouj, wouj, wouj kon an tomat,

                        Ka pété difé,

                        Ka désann toudousman,

                        Ka fini adan gran lanmè-a.

                        Adan an pié palmis,

                        An mitan an savann

                        Mwen ka tann yan boukan,

                        Yan kalté wélélé, yan kalté vidé,

                        Yo tout té ka chanté an menm tan,

                        Yo té ka chanté, yo té ka chanté,

                        É di'w, mwen té ka trouvé sa bèl,

                        Sa té bèl,

                        Sa té ka fè mwen plézi.

                        Tann sa tibren, tann sa manmay,

                        Tann tousa mèl

                        Adan pié palmis-la ka chanté.

                        Mwen ka tann yo toujou

                        Adan tèt mwen

                        Ka chanté, ka chanté.

                        Vini kouté sa an jou, manmay,

                        A sentjè laprémidi,

                        Adan pyé palmis-la.

                        Lè'w ké fini kouté sa

                        Épi ou ritounen la'w ka rété a

                        Rue numéro 16, Allée 125, Bloc D, Escalier 15,

                        Logement 764,

                        Ou ké tann sé mèl-la ka chanté

                        Toujou adan tèt ou.

                        Vini an jou kouté sa !

                                                               ©  Serge RESTOG 1981

Loi du 11 mars 1957 n'autorisant aux termes des alinéas 2 et 3 de l'article 41, d'une part que les "copies ou reproductions strictement réservées à usage privé du copiste et non destiné à une utilisation collective" et, d'autre part, que les analyses et les courtes citations dans un but d'exemple faites sans le consentement de l'auteur ou des ayants-droits ou ayants-cause, est illicite (alinéa 1er article 4).

Cette représentation ou reproduction, par quelque procédé que ce soit, constituerait donc une contrefaçon sanctionnée par les articles 425 et suivants du Code Pénal.