Rayi chien di dan'y blan.
Di mwen ...
(Serge RESTOG)
Mwen sav ki adan lavi'w
An chay bagay ja pasé.
Ou ja viv lavi'w
Avan ou té konnet mwen.
Rakonté mwen sa !
Rakonté mwen sa ti gout !
Di mwen tousa'w ja fè.
Di mwen tousa'w ja konnet.
Di mwen tousa'w té ka fè avan.
Avan, lè mwen pòkò té konnet ou.
Palé mwen di tout sé moun-lan
Ou jwenn la.
Palé ba mwen.
Délè ou ka ni an ti manniè fret.
Di mwen.
Rakonté mwen.
Rakonté mwen ki manniè sa pasé,
Si sa té pasé bien pou'w.
Rakonté mwen ki plas
Sa gadé adan tet-ou, adan lèspri'w,
Adan tyè'w jik jòdi.
Di mwen ki tousa pa ka fè'w révé,
Pa ka fè'w rigrété ti bren,
Pa ka fè'w kwè ki,
Rikontinié tousa, rikoumansé tousa,
Té ké pli bel ki atjolman,
Ki lavi-a ou ka mennen jòdi-a.
Di mwen ti flè-mwen.
Di mwen ti pijon-mwen.
Di mwen ti chat-mwen.
Di mwen ti poulet-mwen.
Ti toutrel-mwen.
Ti mangous-mwen.
Ti mannikou-mwen.
Ti kòkot-mwen.
Ti zétwal-mwen.
Di mwen.
© Serge RESTOG 1999
Loi du 11 mars 1957 n'autorisant aux termes des alinéas 2 et 3 de l'article 41, d'une part que les "copies ou reproductions strictement réservées à usage privé du copiste et non destiné à une utilisation collective" et, d'autre part, que les analyses et les courtes citations dans un but d'exemple faites sans le consentement de l'auteur ou des ayants-droits ou ayants-cause, est illicite (alinéa 1er article 4).
Cette représentation ou reproduction, par quelque procédé que ce soit, constituerait donc une contrefaçon sanctionnée par les articles 425 et suivants du Code Pénal.