Sé sa ki ka tjenbé latjé pwel-la ki konnet si i cho, si i fret.

Annou pran kouraj ansanm

(Serge RESTOG)

Gout dlo ka sòti an zyé'w,

Mé mwen ja sav poutji ou ka pléré.

Mwen ja fè mannev pou sa pa rivé ankò,

Sa'w lé fè, lavi sé lavi.

Lavi sé lavi, mé i fok pa

Ki nou pran sa pou an fatalité,

I fok pa ki nou pran sa pou ta-nou.

Nou la, épi nou pa  ka fè ayen

Pou sa chanjé.

Annou doubout kònou ansanm,

Pou nou goumen épi lavi-a.

Annou pran kouraj ansanm,

Pou nou fè lavi-a

Pwan anlòt chimen ba nou.

Pou'y pran chimen-an nou lé a.

Annou enmen nou ankò pli fò,

Sé sa ki ké fè nou

Alé adan menm chimen-an.

----------------------------------

Gout dlo ka sòti an zyé'w ;

Sa, sé bon bagay.

Sé pa pléré ki la,

Sé pa dézolasion ki la,

Sa, sé lasatisfaksion,

Sa, sé lakontantman,

Sé dlò béni,

Sé dlò béni-tala,

Ki ka béni lidé-a nou ni a,

Ki ka fè nou bat ansanm,

Ki ka fè nou enmen lavi,

Ki ka fè nou konprann lavi,

Ki ka fè nou enmen nou pou lavi.

                                                               © Serge RESTOG 1999

Loi du 11 mars 1957 n'autorisant aux termes des alinéas 2 et 3 de l'article 41, d'une part que les "copies ou reproductions strictement réservées à usage privé du copiste et non destiné à une utilisation collective" et, d'autre part, que les analyses et les courtes citations dans un but d'exemple faites sans le consentement de l'auteur ou des ayants-droits ou ayants-cause, est illicite (alinéa 1er article 4).

Cette représentation ou reproduction, par quelque procédé que ce soit, constituerait donc une contrefaçon sanctionnée par les articles 425 et suivants du Code Pénal.